«Armenian Mnemonic» Keyman ստեղնաշարը

    «Armenian Mnemonic» ստեղնաշարը հնարավոր է տեղադրել Keyman հարթակի վրա։ Keyman-ը անվճար ու բաց կոդով ստեղնաշարի հարթակ է և հասանելի է հայտնի ՕՀ-երի համար, այդ թվում՝ Windows-ի, macOS-ի, Linux-ի, Android-ի, iOS-ի, և նաև Վեբի համար: Սակայն, մինչ տեղադրելը, ստեղնաշարը կարող եք փորձել վեբ-էջում։

    Այս ստեղնաշարը պարունակում է 18 բաղադրյալ (նաև՝ համր) ստեղներ. T t S s D d G g K k Z z C c ' " \ /, որտեղ T նույնն է ինչ Shift+t զուգակցությունը կամ հենց t ստեղնը Caps Lock ստեղնը միացրած։ Սեղմեք այս բաղադրյալ (համր) ստեղներից մեկը, այնուհետև մեկ այլ ստեղն՝ ցանկալի արդյունքը ստանալու համար: Օրինակ՝ սեղմեք T և ապա Բացատ՝  Թ տառը մուտքագրելու համար, սեղմեք T և այնուհետև s՝  Ծ տառը մուտքագրելու համար: Ստորև պատկերված է բաղադրյալ (համր) ստեղների կոմբինացիաների աղյուսակները.

	Բացատ	s	S
t	թ	ծ	ծ
T	Թ	Ծ	Ծ

	Բացատ	z	Z
d	դ	ձ	ձ
D	Դ	Ձ	Ձ

	Բացատ	h	H
s	ս	շ	շ
S	Ս	Շ	Շ
g	գ	ղ	ղ
G	Գ	Ղ	Ղ
k	կ	խ	խ
K	Կ	Խ	Խ
z	զ	ժ	ժ
Z	Զ	Ժ	Ժ
c	ց	չ	չ
C	Ց	Չ	Չ

	Բացատ	w	W	e	E	r	R	t	T	p	P	j	J	c	C	<	>	[	]	-	,	.	/	o	O
'	'	և	և	է	Է	ռ	Ռ	տ	Տ	պ	Պ	ճ	Ճ	ծ	Ծ	‹	›	‘	’	֊	՚	·	՛	°	°

	Բացատ	w	W	e	E	r	R	t	T	p	P	j	J	c	C	<	>	[	]
"	"	և	և	Է	Է	Ռ	Ռ	Տ	Տ	Պ	Պ	Ճ	Ճ	Ծ	Ծ	«	»	“	”

	Բացատ	-	=	+	/	x	8	*	T	L	E	V	A	O	B	U	C	<	>	[	]	{	}
\	\	−	≡	±	÷	×	∞	∗	⟂	∟	∃	∨	∀	∘	∈	∪	⊂	≤	≥	〈	〉	≺	≻

	Բացատ	-	=	'	"	;	*	L	E	V	N	0	B	U	C	<	>
/	/	՟	≠	′	″	‴	⋆	∠	∄	∧	¬	∅	∉	∩	⊄	↵	↦

    Հետևյալ նկարներում պատկերված է «Armenian Mnemonic» ստեղնաշարը՝ տարբեր մոդիֆիկատոր-ստեղների սեղմման վիճակում, որոնցում բաց մոխրագույնով նշված են բաղադրյալ (համր) ստեղները։

Նկ. 1. «Armenian Mnemonic» ստեղնաշարը

Նկ. 2. «Armenian Mnemonic» ստեղնաշարը Caps Lock ստեղնը միացրած

Նկ. 3. «Armenian Mnemonic» ստեղնաշարը Shift ստեղնը սեղմած

Նկ. 4. «Armenian Mnemonic» ստեղնաշարը AltGr ստեղնը սեղմած

Նկ. 5. «Armenian Mnemonic» ստեղնաշարը AltGr+Shift ստեղների զուգակցությամբ

Windows և Linux ՕՀ-երում AltGr ստեղնը (Alt Graph) աջ Alt ստեղն է, իսկ macOS ՕՀ-ում այդ ստեղնին համապատասխանում է ⌥ ստեղնը (Option)։ Այլ ստեղնաշարներում, ինչպիսին են՝ «Armenian Phonetic» կամ «Armenian Typewriter», AltGr ստեղնով հնարավոր է մուտքագրել թվանշաններ, փակագծեր, շեղագծեր, իսկ AltGr+Shift ստեղների զուգակցությամբ՝ «US» ստեղնաշարի վրա գտնվող հատուկ սիմվոլները։

    «Armenian Mnemonic» հպաստեղնաշարը սմարթֆոնների համար ունի այլ տեսք, քանի որ այս դեպքում չկան մոդիֆիկատոր-ստեղներ.

        

    

Որոշ ստեղների վրա կա կետ՝ ստեղնի վերևի աջ անկյունում: Սեղմած պահելով այդպիսի ստեղնի վրա՝ կարելի է մուտքագրել այլ սիմվոլներ, տառեր, նշաններ:

Արտահայտությունների օրինակներ

    Օրինակների պարզության համար կատարենք այսպիսի նշանակում. ը փոքրատառին կհամապատասխանի x ստեղնը, իսկ Ը մեծատառին՝ X ստեղնը, որը նույնն է ինչ Shift+x, այսինքն՝ Shift ստեղնը սեղմած պահած՝ x: Հետևյալ աղյուսակում ներկայացված են արտահայտություններ՝ համապատասխան ստեղների հաջորդականություններով։

Արտահայտությունը	Ստեղների հաջորդականությունը
Ներկայի ուժը	N e r k a y i   u w z h x
Գեղատեսիլ ճապոնական թխկի	G e g h a ' t e s i l   ' j a ' p u n a k a n   t k h k i
«Լույս» հրատարակչություն	" < L u w y s " >   h r a ' t a r a k c h u w t y u w n
Հարգանքով՝ Պողոս ՊՈՂՈՍՅԱՆ	H a r g a n q u v ՝   " p u g h u s     ' P U G H U S Y A N

    Բաղադրյալ ստեղնը սեղմելուց հետո մուտքագրման համակարգը սպասում է այլ ստեղնի սեղմվելուն։ Ուստի Պողոս բառից հետո անհրաժեշտ է մուտքագրել լրացուցիչ բացատ: Այն մեծատառերը, որոնք մուտքագրվում են ' բաղադրյալ ստեղնով, հնարավոր է մուտքագրել երկու եղանակով. օրինակ՝ Է տառը կարելի է մուտքագրել կամ ' E, կամ " e ստեղների հաջորդականությամբ։ Ի դեպ, ՊՈՂՈՍՅԱՆ ազգանունը մուտքագրելիս, նախ և առաջ կարելի է միացնել Caps Lock ստեղնը, մուտքագրել ազգանունը, այնուհետև անջատել Caps Lock ստեղնը։

Տեղադրումը

Windows, macOS, Linux

    Տեղադրեք Keyman ծրագիրը Windows, macOS կամ Linux ՕՀ-ի վրա: Մկնիկի աջ կոճակով սեղմելով՝ խնդրագոտու վրա գտնվող Keyman պատկերակը՝ անցեք Configuration… բաժինը: Այնուհետև սեղմեք Install keyboard… կոճակը, ընտրեք նախորոք ներբեռնած armenian_mnemonic.kmp ֆայլը և սեղմեք Install կոճակը: Հաջող տեղադրումից հետո վերագործարկեք ՕՀ-ը, որից հետո կարող եք ընտրել  «Armenian Mnemonic»  մուտքագրման լեզուն  ❖+Բացատ  ստեղների զուգակցությամբ, որտեղ ❖ (Super) ստեղնը Windows ՕՀ-ում   (Windows) ստեղնն է, իսկ macOS ՕՀ-ում՝ ⌘ (Command) ստեղնը։
    Windows ՕՀ-ում հնարավոր է առաջանալ խնդիր՝ կապված ոչ ակտիվ ստեղնաշարով մուտքագրման հետ: Այն շտկելու համար տեսանելի դարձրեք Keyman պատկերակը խնդրագոտու վրա, անջատեք տեքստային առաջարկների ընտրանքները ՕՀ-ի մուտքագրման կարգավորումներից և վերագործարկեք ՕՀ-ը:

Android, iOS

    Տեղադրեք Keyman հավելվածը Android կամ iOS ՕՀ-ի համար, բացեք հավելվածը, կարգավորումներ բաժնից ընտրեք նախորոք ներբեռնած armenian_mnemonic.kmp ֆայլը ( ⋮ –› Settings –› Install Keyboard or Dictionary –› Install from local file ), և սեղմեք Install կոճակը: Նմանապես, տեղադրեք hy.kmp ֆայլը տեքստային առաջարկների համար:

Web

    «Armenian Mnemonic» ստեղնաշարը կարող է ավելացվել ցանկացած վեբ-կայքում՝ ընդամենը մի քանի տող կոդով: Վեբ-էջի նմուշը գտնվում է այս պահոցում:

Կարգավորումները

    «Armenian Mnemonic» ստեղնաշարն ունի կարգավորումներ՝ Configuration… –› Keyboard Layouts –› Armenian Mnemonic –› Keyboard options…։ Լռությամբ՝ R ստեղնով մուտքագվում է Ր տառը, իսկ ' R հաջորդական ստեղներով՝ Ռ տառը։ Այս մուտքագումները հնարավոր է տեղերով փոխել՝ միացնելով համապատասխան հատկությունը։ Հնարավոր է միացնել նաև կցագրերի օգտագործման հատկությունը. օրինակ և կցագիրը հնարավոր է մուտքագրել նաև e w հաջորդական ստեղներով։

macOS, iOS, Android ՕՀ-երում գրաֆիկական ինտերֆեյս չկա, սակայն նույն կարագավորումները կարելի անել ստեղների համակցությամբ.

R, T, P ստեղների մուտքագրումը կարելի փոխել՝
    • ր ռ տառերի համար՝ սեղմելով   ⌥+V R,
    • թ տ տառերի համար՝ սեղմելով   ⌥+V T,
    • փ պ տառերի համար՝ սեղմելով   ⌥+V P,

Իսկ կցագրերի մուտքագրումը հնարավոր է միացնել կամ անջատել՝
    • ե ւ կից տառերի համար՝ սեղմելով   ⌥+V W,
    • մ ն, մ ե, մ ի, վ ն, մ խ կից տառերի համար՝ սեղմելով   ⌥+V M:

Կարգավորումները փոխելուց հետո վերագործարկեք ՕՀ-ը, որպեսզի փոփոխություններն ուժի մեջ մտնեն:

Հղումներ

  1.  Հայկական մնեմոնիկ ստեղնաշարը։
  2.  Keyman Help – Armenian Mnemonic Keyboard Help.
  3.  Русская мнемоническая раскладка клавиатуры.